Shillong, Nohprah 16: Ka Ri Bangladesh ka ju rakhe ia ka “Vijay Diwas” kum ka jingpydon burom ha kaba ki la ioh iaka jinglaitluid ha u snem 1971. Hadien ka jingialeh bad ka jingia umsnam bad ki la ioh ia ka jinglaitluid jong ka Ri.
Ha kane ka sngi, u Hardeep Singh , Inspector General BSF Meghalaya ryngkat bad u U. K. Nayal, DIG BSF ki ai sngewbha kylliang ia ki BGB ha ICP Dawki.
Ki longheh shipai BSF ha Tura ki pyndonburom ha war memorial Killapara ia ki riew shlur ki ba la aiti noh ia la ka jong ka jingim ha ka thma jong u snem 1971. Na ka liang ka BSF ka la pynkhreh ruh ia ka BSF brass band ha kane ka event.
Ka War Memorial kaba don ha BOP Killapara ha West Garo Hills ka ieng bad pyni ia ka jinglong ba kham kongsan jong u snem 1971 ka thma jingialeh ha khmat jong ka mihngi ha kaba ka BOP Killapara kaba la ap pahara da ki shipai BSF bad da ka jingshlur ki Shipai BSF ki la lah ban pynrem ia ki shipai PAK bad ki ka ioh ban synshar ia ka Dalu-Tura.
Ha kane ka sngi la pynkup burom kyrpang ia u Late B.S. Tyagi Commandant (Retd) BSF , ha ka ba u la pyni ia ka jingshlur ryngkat bad ki khyndiat ngut ki shipai u la lah ban pynrem ia ki Shipai Pakistan ha u snem 1971 .
ki Shipai BSF ki la ia leh da ka jingshlur bad pynliem ia arngut ki nongshun. Ki Shipai BSF ki la ia leh pyrshah haduh ba ki sah tang “ I wei I Shipai I wei I kuli” , bad 09 ngut ki shipai BSF ki la aiti noh ia la ka jingim ha ka jing shakri jong ka Ri.
