Shillong, Nohprah 01: Ka office Deputy Commissioner East Khasi Hills ha ka 1 tarik Nohprah 2023 ka shim ia kane ka sngi ban rakhe ia ka world heritage fortnight ha Nan Polok shillong.
ka ophis kala khot la wer lang ia ki dkhot ki VEC ba pher ba pher ban ai ka jingpynshai paitbah bad shim ruh ba ka jingpyn neh Lane pynlang um ka dei kaba donkam bad kaba kongsan bha ban leh ha kine ki sngi.
Ha kane ka sngi ka DC ka kong R.M kurbah ka la pynkup burom ruh ïa ki 11 tylli ki VEC hap hapoh ki block ba pher ba pher jong ka East Khasi Hills District
Ki nongkren ba pher ba pher ki la pynpaw ba ha ka Ri India baroh kawei ki don tang kumba 75 tylli ki jaka kiba la pynlang um ba la palat ia ka 100 snem bad ka long ka jingsngew sarong ba ka jylla Meghalaya ka don artylli kine ki jaka ba la pynlang um ba la palat 100 snem. Kata kawei ka dei ka Nan polok (Ward Lake) ha shillong bad kawei ka dei ka Thadlaskeiñ ba don ha Jowai.
Ka kong R.M.Kurbah haba ai jingkren hakane ka sngi ka la ong ba ki briew ki la nang roi nang bun briew bad ki jaka ki puta ki la nang shyllen ba ki um ki wah ki la sdang ban rit bad duna ki um kumta ka shim ia kane ka lad ban kyntu bad ban pynshlur ba ka long kaba donkam shibun ban pynlang um.
