Shillong, Nohprah 18: KA Khasi Student Union mynta ka sngi ka la ioh ban leit buh syntiew ha u mot sah kynmaw jong u Soso Tham u ba don ha poh ka skul bah NEHU kum ka dak ban kynmaw ia ka lyngkhuh snem ba 83 snem.
Ha kane ka jing leit ban buh syntiew lawan ban ia don lang na duh u vice president ka KSU u bah Biangbor L Paliar , u bah Reuben A Najiar u ba dei u Asst General secretary ka KSU CEC bad kum juh ki dkhot ka KSU NEHU unit.
Ha ba ai jingkren ha kane ka jingialang na ka liang ua bah Biangbor Paliar u la ong ba man la ka jaidbynriew ki don ia ki riewkhraw ki ba ialeh ia ki jingeh bad ki jingtynjuh da ka wait hynrei u myllung Soso Tham u la ialeh da ki jingthoh ki ba iaineh bad ki ban eh haduh mynta ki ba long ka nuksa ia ka jaidbynriew.
U la ong ba 83 tylli ki snem ngi la duh noh ia une u riew khraw ka jaidbynriew jong ngi ha ka ba u la long u nong prad lynti lyng ba ka thoh katar. U la ong ruh b akum une u riew khrwa u ba la kren bun halor ka mei mariang bad bun ki jing eh jingtynjuh ki ba ka jaid bynriew ka mad, kumta ngi dei ban kynmaw dngong ia kum kine ki riew khraw jong ka jaid bynriew.
U la ong ba ka don ka kyntien ba ong “ lada ngi klet noh ia la ki jong ki riew khraw ka jaid bynriew kan duh noh” u la ban ruh ba na kapor sha kapor na ka liang ka seng ka la daw ba dei ban Ithuh noh ia ka ktien khasi hapoh ka khyrnit ba phra ha ka ba ka Meghalaya Legislative Assembly ka la ioh ban shim ia ka rai.
Ka KSU ka la buh ruh ia u dak jing kylli ia ka sorkar ba kane ka resolution ka la poi shaei ne hato ka sorkar kam shym la buddien ia kane ka bynta , kumta u la kyntu ia ka sorkar ba kadei ban pynkloi ia kane ka matjing dawa jong ka seng. U la ong ruh ba lada ka ktien khasi kan rung ha ka khyrnit ba phra ki jing myntoi ki ba bun ki bai a ngi kum ka jaid bynriew ngin ioh.
Ha ba ai jing kren na ka liang u bah Richestson Malngiang u la ong ba ka jing iaid lynti jong u myllung Soso Tham u la hap ban ia ki jingeh bad ki jingtynjuh ha ka bau hap ban mih na la ing ban leit ban tyrwa ia ki kot kiba u thoh, ki sainpyrkat jong u myllung bad ki matti jong u ki iai long doh longsnam ha ka ri bad ka jaidbynriew.
Kane ka pynlong ba ngin pule ia kine ki jing thoh jong u ha duh ki kyrdan ba kham shalor ha ki jingpule. U la ong ruh ba kine ki jingeh bad ki jingtynjuh ba u myllung u mad kim shym la pyn kynran dien ia u hynrei kine ki la long kita ki mawjam jong u.
U Soso Tham , kumta u la buh ka jingkyntu ia ki para samla jongka jaid bynriew ba ha pdeng ki jingeh bad ki jingtynjuh ki ba ngin ia kynduh hynrei ia ka thong ka ba ngidon ha ka ban pynsah ia ki riti ki dustur, ka thong bangin pyn im ia ka jaid bynriew hapdeng shi bun ki jingeh ngi dei ban batskhem triang namar ki matti jong ngi kim khein kor mynta hynrei kin kheinkor ynda ngi la leit noh nakane ka slapyrthei.
