Shillong, Kyllalyngkot 21: Ka KSU Kensimphlang Unit mynta ka sngi ka la ioh ban rakhe kynmaw bu
rom iaka lyngkhuh snem ba shiphew jongka ha shnong Kensimphlang, South West Khasi Hills District. Ha kane ka sngi, u samla Forwardman Nongrem President KSU South West Khasi Hills District u la long u kongsan ha ka jingiadon ryngkat jong u samla Rutherford Lyngdoh General Secretary KSU Mawkyrwat Circle.
U samla Iengskhem Syiemlieh Vice President KSU Mawkyrwat Circle, u samla Hamir Syiemlieh ( General Secretary KSU Rangthong Unit) , u Myntri Shnong jongka shnong Kensimphlang, u Myntri Shnong Rangjadong, ki Longkmie longkpa bad kiwei.
Ha kane ka jingialang kynmaw burom la ioh ruh ban pynkupburom iaki 10 Ngut ki khynnah ba pass bha haki kyrdan bapher bapher bad ruh ban sam jainkup syaid blanket iaki longing baduk hapoh shnong.
Nalor ki jingkren kyrkhu kyrdoh ia kane ka Unit daki nongialam ka seng, la ioh ruh ban pynshai paitbah halor ka jingpyrshah iaka Citizenship Amendment Act bad ka jingdawa ban pyntreikam noh iaka Inner Line Permit hapoh ka jylla baroh kawei.
Naka liang u samla Forwardman Nongrem kum u kongsan ha katei ka sngi u la ong ” Lada u nong Nepal daki hajar mer u lah ban poi haka jylla Meghalaya hadien ka Indo – Nepal Treaty, Katno tam lei u nong Bangladesh uba don have syndah eh bad ka jylla jongngi ” .
Ka seng kan iai long kaba peitngor bad la kyntu ruh ia ki Dorbar Shnong ba kin long kiba la pynkhreh ban pynher krad ia u nongwei u nongar uba thmu ban rung hapoh ki shnong jongngi khamtam mynta ba ka CAA ka lah long ain.
Shuh shuh u la banjur ba ka Jaitbynriew jongngi ka dei ban nang pynkhlain iaka jingdawa iaka ILP bad u la khot ruh iaka jingiatreilang jong baroh khoit ki riewpaitbah bad ki nongialam shnong.
La ioh ruh iaki jingkren na u samla Rutherford Lyngdoh, u samla Iengskhem Syiemlieh, u samla Hamir Syiemlieh, u Myntri Shnong Rangjadong bad u Myntri shnong Kensimphlang. Kane ka long ka kyrwoh na u samla Epsiroy K. Dewsaw, President KSU Kensimphlang Unit.
