Shillong, Nailar 30: Mynta ka sngi ka BJP State Mahila Morcha, hapoh ka jingialang jong ka President ka kong Susuki Pariat, kila leit sha ka kynhun 67 BN CRPF ban rakhe ia ka Raksha Bandhan bad ki ophsiar jong katei ka kynhun pulit.
Ha kane ka sngi ia la ka jingialang la pyniaid da u Alok Bhattacharya, Commandant- 67 BN CRPF, ha ka jingiadon lang u Ajay Kumar, 2 I/C- 67 BN CRPF, u Sanjeev Kumar, Deputy Commandant – 67 BN CRPF, u Thangminlel, Misao, Deputy Commandant- 67 BN CRPF, u Mukesh Sharma, Assistant Commandant- 67 BN CRPF.
Ka BJP Meghalaya Mahila State President, ka kong Susuki Pariat kala ong ba ka long ka burom ban ia don ryngkat bad ka kynhun shipai ban pynphring ia ka jingialang shipara da ka khmat kaba phuh samrikhi bad kiba ia khun na ka bynta ka jingshong suk bad ban iada ia ki nongshong shnong.
La ong ba na ka liang jong ka BJP kala kut jngmut ban pynneh pynsah ia ka shong suk shnong sain bad ban kyntiew ia ka rai ka par ha baroh ki ling khamtam ha kane ka jylla Meghalaya.
