Shillong, Nohprah 01: Mynta ka sngi ki shipai Border Security Force kila pynlong ia ka jingrakhe ia ka sngi sdang kane ka kynhun shipai kaba 60 snem mynta ka sngi ha Meghalaya Frontier ha kaba jingrakhe ka long kaba ishongkun.
Ha kane ka sngi la wan ban iashim bynta na baroh ki shnat treikam jong ki shipai BSF, ym tang ki shipai, hynrei la wan ban ia shim bynta da kiba ha iing ha sem jong ki shipai BSF ban pynkhrw ia kane ka sngi sdang ia kane ka kynhun shipai ia da khappud.
Ia ka kynhun shipai BSF la sdang ha ka 1/Nohprah/1965 bad kane ka sngi ka pynkynmaw ia ka jinglong kaba kyrpang kane ka kynhun shipai ban iada ia u pud u sam jong ka Ri India bad kham tam eh ha kane ka jylla Meghalaya kaba ki shipai BSF ki don bun bha.
Ha kane ka sngi la wan ban ia shim bynta daki heh shipai BSF bad kila pynpaw ia ka jingsngew kmen jong ki ban don ha kane ka kynhun shipai, kaba don ka jinglen lade na ka bynta ka ri ban iada ia ka ri, ka jingiatreilang.
Ha kane ka sngi la don ka jingbam khawai kaba la shet ia ki jingbam kiba bun rukom bad ki shipai kiba la shongthiat ruh kila wan ban ia shim bynta lang bad kala wanrah ia ka jingkut jingmut ban dang ia trei shitom ban iada ia ka ka ri na ki nongwei.
