Shillong, Nohprah 23: Ka KSU Mawlai Nonglum unit mynne ka 23.12.2023 ka lah ioh ban leit ban noh synniang sha kawei ka jaka ri jaka sumar ia ki khyllung(Creche)ka ba don ha mawlai Nonglum da ki tiar kumba ar tylli ki duli godrej buh tiar,lai phew tylli ki blanket bad saw tylli ki doormat kum shi bynta ban rakhe ia ka Christmas.
Ha kane ka sngi ka la don ka program ba lyngkot ha kaba la ioh ban pyniaid da u samla Edie Malngiang u ba long u General secretary jong ka Mawlai Circle bad la ioh ka jingkren maitphang na u samla Franky Lamin u ba dei u General secretary jong ka Nonglum unit u ba lah pynsngew ia ka Jingthmu jong ka unit halor ka jingnoh synniang hangne ha Creche.
Hadien la ioh ruh ka jingkren na i kong Mitimai Basaiamoit i ba long ipresident jong ka sengkynthei Nonglum i ba la batai ia ka history jong ka Jaka ri khynnah ia kaba ka seng kynthei ka la sdang ba pyntreikam lah kumba 34 snem mynshwa.
Kane ka jaka ri khynnah ka don haduh 30tylli ki jingthiah ka dei shi bynta ban iarap lem khamtam ia kito ki long kmie kiba dei ki shong marwei kiba ju Im da kaba shu leit trei bylla bad ki don tang katto katne ngut kiba dei ki nongtrei sorkar ki ban wan buh ia ki khyllung jong ki.
Por ba sdang ka dor kaba ki shim ka long kaba rit bha haba ianujor bad kiwei kiwei pat ki jaka ri khynnah, namar ka Jingthmu jong ka sengkynthei hi ban shim dina ka dor ka long ban kyrshan lem ia ki para long kmie kiba donkam ka jingiarap.
U president jong ka seng kynthei kala ai ka jingkhublei ia ka KSU Nonglum unit bad Mawlai circle kiba don ka mynsiem ban synniang lem sha ka jaka ri khynnah ka hap hapoh ka jingpyniad jong ka seng kynthei.
Khatduh la ioh ia kren na u samla Biangbor Paliar u ba dei u president jong ka Mawlai circle u ba la pyrto ia ki kam ba radbah kiba ka sengkynthei Nonglum kaba la don shisha ia kata ka jingiohi jngai naduh 34 snem mynshwa ban shim ia ka sienjam ban buh da ka jaka ri khynnah kaba dei ka jaka ri jaka sumar ia ki khyllung.
Kane ka long kum shibynta ban iarap lem ban ia kit ia bah lem ia ki para long kmie kiba don kam ka jingiarap khamtam ha ki por ba ki leit sha ki jaka trei jaka ktah bad ki kam ka jong ki,u la pynkynmaw ia kawei ka kyntien ka ba ong “ka jing shakri para briew ka dei shi bynta ka jing shakri ia u Blei”.
Haka juh ka por la ai ka jingiaroh ruh ia ki longkmie kiba trei ban peit ban khmih ia ki khyllung ha creche ba watla ki don la ka ing ka sem lajong hynrei ki la len ialade ban peit ban khmih bad sumar ia ki khyllung naduh ka khuit ka suba bad ka koit ka khiah jong baroh ki khyllung.
Kane ka jingshim khia jong phi ka pyni shisha ba phi la long kum kita ki kmie ki ba ar jong baroh ki khyllung kiba wan ban pynsah ha ka jaka ri khynnah bad u la ai ka jingkitbok kyrkhu ia ka seng kynthei Nonglum ba kin dang lah ban pyntllun ia ki kam jong ki da ka.
