Shillong, Nailar 15: Mynta ka sngi u Lat ka jylla u Phagu Chauhan u la pynlong ia ka jingrakhe ia ka jinglaitluid ka Ri India kaba 77 snem ha jaka sah jong u ha Raj Bhavan Shillong, ha ryngkat ka jingdon lang u myntri rangbah ka jylla u Cornad Sangma bad kiwei kiwei ki heh sorkar.
Ha kane ka sngi ki heh shipai ryngkew , ki heh jong ki shipai suin, ki heh ka sorkar jylla, ki nongialeh lailuid, ki dkhot jong ki seng bhalang, ki samla pule, na ka NCC bad kum juh Bharat Scots bad Guides.
Ha kane ka sngi rakhe ka jinglaitluid ka Ri India la pynlong ruh ia ki jingshad bapher bapher ia kaba la pynlong da ka tnad pynneh pynsah ia ka riti dustur ka jylla da ka jingiatreilang bad ka Indian Council for Cultural Relations (ICCR), Shillong jong ka sorkar pdeng.
Ha kane ka sngi u Lat jong ka jylla u thung dieng ban kynmaw burom ia kane ka sngi jong ka jingioh ioh laitluid ka Ri India. Ha kane ka sngi la plie ruh ia ka Raj Bhavan naduh ka por lai baje noh phai sngi haduh phra baje myn mieit ia ki paibah ban leit jngohkai.
