Shillong, Nohprah 13: U bah Victor Ranee MDC ka Jirang mynta ka sngi u la phah sha u Chief Executive Member ka KHADC u bah Pyniaid Sing Syiem ia ka shithi bala u resign noh na ka kam Executive member naduh mynta ka sngi.
Ha ka shithi resign kaba u la phah mynta ka sngi u la aidaw ba ka jinghiar shuki noh ka jong u kum u EM ha ka Executive Committee ka dei halor ka rai jong ka party ba kin wengnoh ia ka jingkyrshan ia ka EC bala ialam da ka NPP.
Ha u snem 2019 u bah Victor Ranee u la jop ia ka MDC ka 1-Jirang Konstitwensi na ka party NPP bad u la neh haduh kine ki sngi dei tang namar ka jingduh tiket MDC mynta ka kynti u la mih na ka party bad leit ban pyniasoh noh biang sha ka party Congress.
