Shillong, Naiwieng 02: Ka jingshad rong ban pynphuh pynkhing ia ka jinglehniam ka Hima Khyrim ia kaba la tip pidbah kum ka Shad Nongkrem mynta u snem 2023, ryngkat ki khun syiem, plat 300 ngut ki thei bad ki rang kila poi ban ia shim bynta ha kane ka jingshad mynta u snem.
U Pa,im jong ka Hima Khyrim u Dr. Balajied Syiem u pynaw ia ka jingsngewnguh ka jngu ia ki khun ki hajar kiba la kit la bah man la u snem ban pynbiang ia ka jingleh niam bad ia ka shad ka kmen haba la wan ban ia shim bynta na kylleng ka ri khasi ha kane ka shad.
U Syiem jong ka Hima Khyrim u la kren sha ba ki thei samla kiba ia shim bynta ha kane ka jingshad khim lynti ba ki dei kiba dang samla bad ki rangbah ki lah ban ia shim bynta ha kane ka jingshad ka hima ba shisien shisnem.
U Symbut mynta rangbah ka jylla u bah Prestone Tynsong haba kren ha ki lat pathai khubor u ai khublei ia ka hima Khyrim kaba la lah ban bat ryntih ia ka jingleh niam bad kaba la pynphuh da kane ka shad ka kmen mynta ka sngi ha kane ka sngi kut jong ka jinglehniam.
Ha kane ka sngi ki riew paw khmat kiba la poi sha kane ka jingshad Nongkrem ban ia shakhi lang ia kane ka sngi, la don lang u bah Shakliar Warjri myntri ba dei peit ia ki kam ialehkai, U Chief Secretary ka jylla u bah DP Wahlang, u DGP ka jylla u Dr. L.R Bishnoi, na ka liang jong ka sorkar.
Na ka liang jong ka KHADC la don lang u CEM bah Pyniaid Sing Syiem, u Symbut CEM u bah PN Syiem, ki EM bad u shongknor ka iing dorbar u Lamphrang Blah, ha kane ka sngi kila don shibun ki ire paw khmat kiba laia poi lang, bad na ka liang jong ki paidbah kiba la poi lang ki long palat lak ngut.
