Shillong, Lber 30: Ka kynhun “AdventuRers” mynta ka sngi kala beteng ia ka jingsam bam jong ki sha kiba duk kiba khlem don ka jaka sah kaba biang, ia kane ka jingsam bam mynta ka sngi kila sam sha ki tha
in jong ka Anjelee ha kaba 208 ngut ki briew kila ioh jingbam mynta ka sngi.
Ha kane ka sngi bun na kiba la kmen ba kila ioh bam ha dien ba ki khlem ioh bam na kadaw jong kane ka jingpakhang ban ia leh pyrshah ia u COVID-19, bun kila pynpaw ia ka jingsngewnguh ia ka kynhun kaba la lah ban phai lem ka khmat jong ki sha ki ba duk ban sam ia ki da ka bam.
Ki nongialam jong ka kynhun AdventuRers kin beteng ia kane ka jingsam bam ha kylleng ki bynta jong kane ka nongbah Shillong kiba khlem ioh ban haduh ka 14th Iaiong 2020 ka sngi kut jong kane ka jingpakhang.
Ki nongialam ka seng kiba la ia don lang ki long u Khalid Khan, Kong Ooma Tariang, u Kailash Varma, Kong Susuki Pariat bad Suresh Singh, kine kila ia don lang ha ka por ba sam ia ka bam sha ki baduk.
