Shillong, Iaiong 07: Mynta ka sngi ki shipai Border Security Force ba dei jong ka 11-Batalion ba dei peit ia ka BOP Karaigora kila sam khaw ia ki shnong ba marjan mar 10 kilo shitnum iing kum ka jingiarap ia ki long iing kiba duna ka jingioh.
Ha dien ba la pynbna ia kane ka jingpakhang ban ia khun pyrshah ia ka jingpang COVID-19. Da kane ka jingkner jong ki BSF ia la ki kti ban iarap ia ki long iing kiba duk kala iarap shibun ia ki long iing kiba duk.
Ki shnong kiba la ioh ia ka jingiarap nalor ka Karaigora, ki long ka shnong Balabita bad ka Rangasora kine ki shnong ki hap hapoh ka jingpeit jong ka BOP Karaigora kiba hap hapoh jong ka SWKH District ha kane ka sngi la don lang ruh u heh BSF u Kuldip Singh.
Ki BSF kila ai ruh ia kane ka jingiarap da u khaw sha ki briew jong ka South Garo Hills District ha kine ki sngi. Ha kine ki ar tylli ki jaka ba kila ai jingiarap kila sam ruh iaki kot lyngkdop sha ki paidbah ban pynsngewthuh ia ka jingma jong u khniang jingpang COVID-19.
