Shillong, Nohprah 23: Ka Rozgar Mela kaba pynlong ha kylleng ka ri, ka sienjam kaba plié lad ia ka jingthung kam ha ki tnad Sorkar bapher bapher jong ka Sorkar India ka dei kaba la pynlong ha NEIGRIHMS ha nongbah Shillong mynta ka sngi.
Kum shi bynta kane ka sienjam, la sam 124 tylli ki shithi thung kam ia kiba ioh kam thymmai na Meghalaya. U Myntri Khynnah ka tnad Rural Development, Kamlesh Paswan u la wan iashim bynta kum u kongsan bad u la kitbokkitrwiangia kiba la ioh kam thymmai.
U KamleshPaswan, ha ka jingai jingkren, u la kitbokkitrwiangia kiba ioh kam thymmai bad u la ong, “Nga tip katno phi hap ban trei shitom ban pynkhreh ban ioh ia ka kam. Ym don kaeikaei kaba kham sngewtynnad ban ia kaba ioh ia ka shithi thung kam hadien kane ka jingtrei shitom.”
U la iarohia ka jingthmuAtmanirbhar Bharat jong u Myntri Rangbah Duh bad u la kren ruh shaphang ki sienjam ban kyntiew ia ki jingdon jingem khamtam ha ka thain shateilammihngi.
“Ha kine ki 10 snem ba la dep, u Myntri Rangbah Duh u la pynkylla ia ka India lyngba ki sienjam kum ka Make in India, Start-up India, Digital India bad kiwei kiwei. Ha ki kam bapher bapher ba kynthup ia ki rel, ki surok bad ki jingdon jingem, ka thain shateilammihngi ka la ioh ia ka jingpeit kyrpang bad ka jingsumar,” u la ong.
Ha kaba iadei bad ka jingitynnad ka Shillong, u Paswan u la ong, “Naduh ba nga poi hangne, nga la iohi shisha ia ka jingtynnad jong kane ka jylla. Nga ngeit ba ka Shillong kan bteng ban phyrnai bad kiewshaphrang ha ki por ban wan.” U la ai khubleiKhristmasia baroh bad u la iaroh ia ki sienjam jong ka CRPF bad kiwei kiwei ki tnad.
UIG Northeastern Sector, DaneshRana ha ka jingai jingkren pdiang burom u la ong ba la pynlong ia ka RozgarMela ha 45 tylli ki jaka ha kylleng ka ri hapoh ka jingialam jong u Myntri Rangbah Duh, ha kaba ka CRPF ka iarap ban pynlong ia ka prokram ha Meghalaya.
“Mynta ka sngi 124 ngut ki briew ha Meghalaya kin ioh ia ki shithi thung kam ha ki kynhun bapher bapher kum ka BSF, CRPF, Assam Rifles, Railways, SBI bad ITBP,” u la ong. Ha kaba iadei bad ka bynta kaba kongsan jong ki kynhun pahara.
U la ong, “Ka CRPF, BSF bad Assam Rifles ki iatrei lang ban pynthikna ia ka shongsukshongsain, ban ialeh pyrshah ia ki kam pyntriem bad ban iada ia u pud u sam. Kine ki kynhun ki pynthikna ia ka shongsukshongsain bad ki don ka bynta kaba heh ha ka jingshngain jong ka ri.”
Ha kane ka sngi la don ruh ki jingkren na kito kiba ioh kam thymmai kiba la batai shaphang ka jingiaid lynti jong ki bad kiba la ai jingsngewnguh na ka bynta ki lad ki lynti ba ka Sorkar ka ai ia ki.
U Myntri Rangbah Duh, Narendra Modi u la ai jingkren lyngba ka video conferencing mynta ka sngi ha kaba la sam palat 71,000 tylli ki shithi thung kam ia kito kiba ioh kam thymmai ha kylleng ka ri kaba pyni ia ka jingkut jingmut ka Sorkar ban pynmih lad ioh kam bad ban tei ia ka ri.
