Shillong, Jymmang 13: Ka jingshna pynbha ia ka surok na Kynton Laimer sha Nongpuir kaba iaid lyngba ka shnong Nongumlong la pynsangeh, kane kala buh ia ki nongshong katei ka thain ha ka lyngngoh.
Haba u SP News Agency u la ioh ban ia kren bad ki briew hatei ka thain la ia thuh ba kane ka surok la sdang ban pyntrei shuba ba kan slap ka bneng, hynrei mar ia sdang slap la iohi ba kane ka jingtrei kala sangeh noh.
La iathuh ba ia kane ka surok la dei ban shna pynbha na Kynton Laimer sha shnong Nongpuir, ka jingtrei la dep haduh ka jingkieng Mawpun ka jingsiang Mawsaling hynrei na ka daw jong ka jingslap la sangeh noh.
Ka jingsiang Mawsalieng la dep bad kaba sah sa tang ban siang rong , hynrei namar ba slap la pynsangeh, kiba leit ban wan na katei ka surok ki kwah ban iohi ba dei ban siang rong noh haba dang ai lat ka bneng.
