Shillong, Naitung 10: U Myntri R
angbah ka jylla u Conrad K Sangma mynta ka sngi u la kren da kaba shai ba kam don kum kata ka Work Permit, hynrei ka don ka jingshim kyrteng ia kiba wan trei bylla ha ka jylla da ka tnad Labour bad kane kaei kaba ka jylla bud ia kaba la leh ha ka sorkar MDA-I.
U Myntri rangbah u la ong ba ia kane ka jingshim kyrteng la leh da ka tnad Labour, kam don kum katta ka Work Permit hynrei ka jingshim kyrteng ka long ba ki hap ban ai kyrteng kata ka long kaba don kam.
La leh ia kane ha dein ba la peit na baroh ki liang, kane ka iarap ban ai jingshngian ia ki riew shimet bad ia ki nongbylla ruh kum juh, ha ka juh k por ka long ban don ka jingbuh jingkhein ia ka jingdon ki nongbylla ha kane ka jylla.
U Myntri Rangbah u la kren shai ba ym shem la ai bor iano iano ba kin jurip ia ki kot ki sla, ka jingleit jong ki riewshimet ne ki seng kam long katkum ka ain, ka jingleh jong ki ka long shabar jong ka ain. Haba ia dei bad kane ki pulit kila mudui saw tylli ki ejahar ia seng bhalang kiba la leh ia kane ha kine ki khyndait sngi kiba la dep.
Haba ia dei bad ka jing ban khlem pyntrei am ia ka ILP kane kam nym mih namar ia ka ILP pat pdiang da ka sorkar pdeng, hooid ka sorkar jylla kala shim ia ka rai hapoh iing dorbar ban dawa na ka sorkar pdeng ban pyntreikam ia ka ILP ha ka jylla hynrei haduh mynta pat pdiang da ka sokar pdeng, ka jingong ba khlem pyntrei kam kan mih.
Haba ia dei bad ka MRSSA, la wanrah ia ka jingpynkylla ha bad la phah sha u Lat ka jylla bad u Lat ka jylla la ong ban phah sha ka tnad kam poh iing ka sorkar pdeng ban ioh ia ka jingmynjur na President ha kaba kila phah ban peit ha kiba bun ki liang.
Ka sorkar jylla kala peit bniah biang ia kito ki bynta kiba la buh jingkylli bad ka sorkar ka dang ia bishar bniah bad ka jingong balei ym pyntrei kam kan nym mih, ka jingkynnoh bala sah teng ki jingtrei kam don kum katta lada don kiba sngewkhia kylli bad ban ong ban shimti ia ka ain ha ka kti ym lah ban pdiang bad ki pulit ki hap ban leh ei ei.
Haba phai sha ki kontraktor, hooid ki hap ban ai kyrteng ia ki nongbylla kiba wan rah na shabar bad lada don ki kontrator ki khlem bud ia ka ain, ai ki riew shimet ne ki seng bhalang kin pyntip sha ka sorkar bad ka sorkar kan leh ia kaba don kam, riew shimet kim lah ban shim ia kano kano ka rai ha kti jong ki.
Ha kane ka jingialang ka kabinet kala rai ailad ia ki petrol pump kaba la jan kot sha ka T.35 klur bad ka sut ka long kumba 3 klur kane kaba sah, khmih lynti ki petrol pump kim pdiang ia kane bad ka jingsiew kan long katkum ka jingsah ka pisa.
Haba ia dei bad ka jingai ia ka khusnam shito kiba ioh ia ka “Meghalaya day Award” kata ka long ban pynkiew ia ka khusnam na ka shilak sha ka ar lak ka jingpynkiew sha ka shilak la eh ha u snem 2013 bad kaba ar ka applikoshon kan long online.
