Shillong, Kyllalyngkot 23: U National President ka National People Party (NPP) u Conrad K Sangma mynta ka sngi u la sdang ban ia lap elekshon sha ka iing dorbar thawain ka jylla ka ban long ha ka 27th Rymphang 2023 ha Adogre ha North Garo Hills District.
Haba kren ha kane ka jingsdang ban ialap iaka elekshon u National President ka party NPP u Conrad ha Adogre na North Garo Hills la ong, Mamata Banerjee mynta bun ki nongialam kila pyniasoh bad ka TMC bad kaei kaba la ia kren ha iew ha hat ba bun na ki nongialam kiba la pyniasoh kila dep ban pynkhreh ban mih na ka TMC.
U Conrad u la ong ba ki nongalam ka TMC kila de ban ia kren bad kiwei ki seng sain pyrthei, la ong ba kane kam dei kaba u kren ma u hynrei kane kaei kaba la ia kren ha ki iew kihat khamtam ha ki kynhun sain pyrthei.
U Myntri Rangbah ka jylla la ong ba ka dei ka kamram jong u ban ai ia ka jingmaham ha ba u ioh sngew kum kine ki khubor, kane ka dei ka jingshisha bad ka jingkylli ka long hato phin ia trei bad kaei kaba kila pynkhreh hato phin ia treilang bad kum kita ki briew kiban phet na ka party ha dien ka elekshon sa da wat hi ruh da lade.
U National President la pynpaw ba kane ka party NPP kala khlian bha na duh Garo Hills sha rilum khasi bad Jaintia Hills, la pynkynmaw ba u kpa jong u u Purno A Sangma man ka por ba sdang ialap elekshon u sdang na kane ka madan bad u don ka jingieit kaba kyrpang ia ka Kharkutta.
Ha kane ka sngi baroh ki nongialam jong ka party NPP kila don lang ha kane ka jaka ha kaba da ki hajar hakar ki briew ki nongkyrshan ka party NPP kila ia poi sha kane ka jaka ban ia shim bynta ha kane ka jingsdang ban ialap elekshon sha ka iing dorbar tahwain kajylla.
