Shillong, Kyllalyngkot 23: U nongialam jong ka seng BJP u R Ramakrishna ba dei peit ia ki kam election jong ka seng mynta ka sngi u la ai ka jingujpr pyrshah ia u Annad Sharma myntri ba dei peit ia ki kam pynmih jain jong ka Ri nas ka daw ba u la pynbna ia ka skhim kaba 55 klur na ka bynta ki jylla ka dong shatei lam mih ngi jong ka Ri India.
Ia kane ka jingujor la phah sha u Chief Election Commissioner jong ka Ri India u V S Sampath, ha kane ka jingujor la ong ba kane ka jingleh ka long pyrshah ia ka ain kaba ka election commission ka la buh kumno kane ka lah ban long ha kaba ki jylla ha North East Ki dang don hapdeng ka jingpynkhreh ia ka election.
Kane ka jingle jong ka sorkar pdeng ka long ka jingleh don bor jong ka sorkar pdeng namar ka tip shai kdar ba ka election sha ki lai tylli ki jylla, Ka Meghalaya, Nagaland bad Tripura kan sa long ha ka 23 tarik jong u bnai ban wan na ka liang jong ka election commission ka la dei ban pynshitom.(SP News)
