Shillong, Nailar 27: U Bah SD Khongwir u la shah jied biang kum u rangbah shnong jong ka Mawlai Nonglum ha kine ki khyndait sngi. Ki paidbah jong ka shnong kim pat shah ia u ba un iehnoh ia kane ka kam rangbah shnong.
U Bah SD Khongwir u la bat ia kane ka kam rangbah shnong mynta la 50 snem bad ia kane ka jingleh burom ia u la dep ban pynlong ha u bnai Kyllalyngkot mynta u snem. Wat la u la trywa ban iehnoh ia kane ka kam hynrei ki paidbah ki dang ai ka jingshaniah ha u ban long kum u rangbah shnong.
U bah SD Khongwir mynta u la kynjoh sha ka rta kaba 85 snem bad kum u rangbah shnong ka Mawlai Nonglum u la bat 50 snem.
