Nongstoin, Naiwieng 30: Mynta ka sngi la pynthymmai ia ki nongkit kam ka seng “Synjuk Rangbah Kur Bri Hynniewtrep” kaba dei ka shnat trei kam ha West Khasi Hills District na ka bynta ka samoi treikam haki lai snem ban wan.
Ha kane ka jingialang kaba la pynlong Nohbah ha Nongstoin mynta ka sngi la jied ia ki nongkit kam, ha kaba u bah R S Khardewsaw la shah jied kum u president, u bah Gabriel Sohlang bad u bah Iohlin Lyngdoh Marshillong kum ki Vice President, u bah P W Myrthong Secretary, u bah Mosstarwell Paliar bad u bah Livingstar Nongrem kum ki joint Secretary, bah Dmikstar Lyngdoh Nonglyngkien kum u nongbat pla pisa.
Ha kane ka sngi la jied ruh ia u bah Waiting Mawsor bad ia u bah Thingdar Lyngdoh Lyngkhoi kum ki nongaibuid bad la jeid ruh ia ki riew rangbah kiba la ia don lang ha ka jingialang kum u nongkit kam ha ka committee pyrkhat kam jong ka West Khasi Hills District.
Ha kane ka sngi na ka liang jong President ka seng kmie ka synjuk lapynshai ia ki nongrim kiba la seng iakane ka nongrim bad ka thong kaba ha khmat eh ka long ban pynneh pynsah ia ka jingshim jaid na ka kmie kane ka dei ka mat kaba ha khmat eh bad ki don ruh kiwei kiwei ki mat kiba ka seng ka don ban trei.
Ha kane ka sngi la pynshai ruh ia ki jingkylli na ki riew rangbah jong ki kur bapher bapher kiba la wan ban ia shim bynta ha kaba kila kwah ban ioh jingshai ia ki katto katne ki bynta ki kila kwah ban ioh ia ka jingshai ia kiba ka seng ka pyniaid ia ki jingtrei kam jong ka.
