Shillong, Naitung 22: U Bah Isaac W Basaiawmoit u Secretary ka Hynniewtrep Youth Council (HYC) central body mynta ka 22 tarik u Naitung 2024 u la leit ban shah hajir ha khmat ki pulit ka Sordar Police Station.
Kane ka jingshah khot hajir jong une u Nongialam ka HYC ka long hadien ba ki pulit jong ka Laitumkhrah PS bad kipulit jong ka Saradr PS ki la pynngat 10 tylli ki kyndon ha ki 3tylli ki Case ha ka ba iadei bad ka jingleit khynra jong ka seng HYC ia ki briew ki bas ah beain ha Lumsurvey.
Ha ka jingiakren bad ki nongthoh Khubor na ka liang u bah Isaac W Basaiawmoit u la ong ba kaseng kam sngewphylla shuh ia ka jingshah khot hajir ha ki Police station namar ba kum ki dkhot ka seng ki bat rei ia ka bha ka miat jong ka jaidbynriew.
U la ong ruh ba kum ka seng ka don ia ka thong ka ba hakhmat ha ka ban ia leh pyrshah ia u Drug bad na ka liang ka seng kan ym shong kli kti ha ka ban pynduh jaid ia u Drug.
U la ong ruh ba na ka liang ka Seng kan dangiai ban khynra Drug ha ka ba ha kine ki sngi ba la dep na ka liang ka seng ka la leit ban khynra drug ha kylleng ki jaka jong ka Nongbah Shillong kum ha ki Thain Polo, Motphran, Stand Bhoi bad kiwei kiwei pat ki dong.
