Shillong, Jylliew 19: U Superintendent jong ka East KHasi Hills u Davis N R Marak u la iathuh ba mynta ka sngi ha ka por 1.30 baje shiteng synia u wei u briew u la tap ia ka dur khmat jong u la rung jubor ha kawei ka iing kaba don ha Mission Compund bad knieh ia u khunlung ba dang lai taiew na ka kmie bad bngem ia u khunlung ha ka borti.
La iathuh ba ha ka por ba ki pulit ki la sei ia ine I khunlung la ong ba u dang ring mynsiem hynrei shuwa ban poi sha Hospital u la khlad noh bad kane kala dei ka jingpyniap da une u briew ba la rung ha kane ka iing da kaba tap ia ka dur khmat ka jong u. La iathuh ba ha kane ka por une u briew u la ktah kti ruh ia ka kmie jong une u khunlung.
Na ka liang jong kiba ha iing kila ai ia ka FIR hapoh Lumdiengjri Police station bad na ka liang jong ki pulit kila register ia kane ka jingujor ha ki kyndom jong ka kam pyniap briew. Na ka liang jong ki pulit ki la sdang ban lap ksai ia u nongleh ia kane ka kam sneiw bad ka jingthohkit mynta ka dang iaid sha khmat ban kem ia une u nongpyniap briew.
