Shillong, Naitung 11: U Myntri Rangbah ka jylla u Conrad K Sangma mynta ka sngi u la ia don lang ha ka jingiakynduh ia ki nongialam shnong ban ia mir jingmut kumno ban pynkhreh ia pynkhuid ia ki jaboh jabain bad ban pynitynnad biang ia kane ka nongbah Shillong.
Ha kane ka sngi la pyni ruh ia ka jingpynkhreh kumno ban pynkhuid ia ka Wahumkhrah, ban pynkhuid ia ki niut kinier la pyni ha kane ka jingialang bad la ia kren ruh kumno don ka jingiatreilang bad ki nongpyniaid shnong.
Ha kane ka jingialang u myntri rangbah ka jylla u la ia kren bad ki nongpyniaid shnong bad jubab ia ki jingkylli jong ki nongkit kam shnong ia kaei kaba kila kwah ban tip ha kaba ia dei bad ka jingshna ban pynitynnad ia ka nongbah Shillong.
Ha kane ka jingiakren bad u myntri rangbah ban lait na jingdheng kali, ban pynkhuid ia niut ki nier kiba mih man ka sngi, la ia kren ruh ia ka jingdon ki nongdie madan bad ia ki jaka ban pynshong ia ki nongdie madan bad kiwei kiwei.
Ha kane ka jingialang la don lang u symbut myntri rangbah ka jylla u bah Sniawbhlang Dhar Chief Secretary ka jylla u bah D P Wahlang bad kiwei kiwei ki heh sorkar na ka tnad pynroi sor kila ia don lang.
