Shillong, Nohprah 13: U bah Silvester Nongtnger Superintendent ki pulit jong ka East Khasi Hills District mynta ka sngi u la ong ba shen ki pulit kin sa kyndang ia ki kali tah iiet iong kiba long palat ia kaba la buh.
Wat la u Superintendent ki Pulit ka East Khasi Hills District um shym la batai bniah, hynrei u la kren shai ba shen kin sa sdang ban kyndang ia ki kli tah iiet iong kiba la sdang ban bun biang mynta kiba iaid ha ki surok.
Kane ka jingkren jong u SP ka East Khasi hills,kala wan ha ka por ba bun ki kali rem dor bun kiba tah iiet iong bad kane kala buh ia ki pulit ha ka jingeh la kine ki kali ki dei ki kali shimet jong kito ki heh sorkar kiba la ioh jingbit ban tah iiet iong ne ki dei jong ki riew shimet kiba khlem ioh jingbit.
Ka jingtah iieit iong ia ki kali la khang pyrshah hynrei la shah tang ia ki kato katne kiba la ithuh da ki bor sorkar, hynrei kane ka jingtah iieit iong kumba ka long mynta ym tip shuh hato kiba la ioh jingbit ne em ia kata ynda kila khynra kin sa tip.
