Shillong, Nohprah 15: Ki shipai Border Security Force (BSF) kiba don ha jylla Meghalaya kum shibynta ban hikai ia ka jingleh khuid leh suba kila dang iai bteng ia ki jingpynkhuid ia ki jaka sah jong ki ha ki BOP.
Ka sorkar pdeng kala bthah ia baroh ban pynlong ia ka jingpynkhuid ia ki sawdong sawkun jong ki jaka trei jong ki naduh ka 1 tarik haduh ka 15 tarik Nohprah 2022 ba pynkhuid ia ki jaka trei kiba don ha kylleng bad mynta ka sngi ki BSF kila pynkut ia kane ka jingpynkhuid ha Purakhasia ha South Garo Hills District.
Haba ia dei bad kane ka jingpynkhuid u Inspector General ki BSF ba dei peit ia ka jylla Meghalaya u Inderjit Singh Rana u la shim ia ka jingkit khlieh ban pynkular ia ki shipai BSF ba kin long kiba lehkhuid kiba trei hapoh kane ka jylla Meghalaya.
Ha kine ki 15 sngi ki BSF kila pynkhuid ia ki jaka sah, ki jaka trei kam jong ki, ym tang katta hynrei kila ialeh ban pynkhuid ruh ia ki jaka paidbah kane ka long ban hikai ia ki paidbah ban sngewthuh ia ka jingdon kam ka jingkhuid.
