New Delhi, Jylliew 30: Mynta ka sngi u General Upendra Dwivedi, PVSM, AVSM, u la shimti kum u khliehduh ki shipai ryngkew ba 30, kane ka ka long haba u la General Manoj Pande, PVSM, AVSM, VSM, ADC, u la shongthiat noh na ka kam ha dien ba u la ai ka jingshakri ka jong u 40 snem lynter ha kaba u la shong thiat noh mynta ka sngi 30/Jylliew/2024.
U General Upendra Dwivedi u la dei u shiphai ryngkew ba la paw bha ha kiba bun ki liang kum u khlieh shipai bala ai ia ka jingshakri ka jong u mynta la 40 tylli ki snem ha ka kynhun shipai. U la pyndep ia ka jingpule na ka Sainik School, Rewa (MP), bad u la sdang ban trei ha ka kam shipai ha Regiment of Jammu & Kashmir Rifles in 1984.
U Khlieh duh ki shipai ryngkew ba dang shu shimti ia ka kam, u don ka bor ba kyrpang kumno ban ialam, ha kaba u la trei ha kylleng ka Ri India naduh ki bynta ba shatei ka Ri Indiam ki thain mih ngut, ki thian sep ngi ha ki kyrdan bapher bapher kiba la bynshed ha u ban peit.
Kane ka jingshimti jong u kum u khliehduh ki shipai rngkew kal long kaba don kam bha namar ka jinglong jingman ha ka pyrthei kumba ka long mynta, namar ba long kiba la khreh ban ia kynduh ia kino kino ki jingiatyngkhuh kiba ka ri ka don kam bad ka jingiada ia ka ri ka long kaba kyrpang.
U General Dwivedi u don ka jingsngewthuh kaba shai bha ha kaba ia dei bad ki tiar leh thma katkum kane ka juk kaba mynta bad ka thong jong u khliehduh u shipai ba mynta ka long ban peit ia ka jingbit jingbiang bad ka jingiarap kyrpang ia ki shipai bala shongthiat bad ia ki shipai bala don bynta ha bun ki jingiakhun thma.
