Shillong, Kyllalyngkot 26: Ka kynhun shipai Border Security Force (BSF) kila kynmaw burom ia ka sngi kaba ka Ri India kala ioh ia la ka jong ka riti synshar kaba la kot mynta 76th snem ha ka ophis trei kam kaba ha khlieh jong kane ka kynhun shipai ka Eastern Frontier ha Shillong.
Ia ka lama jong ka Ri India la kyntiew da u Harbax Singh Dhillon, IG BSF Meghalaya ha kaba u la ai khublei kyrpang ia ki shipai BSF ia kiba ha iing ha sem ha kane ka sngi khraw kaba la pynsah kynmaw ba ha kum kane ka sngi ka Ri India kala ioh ia la ka jong ka riti synshar.
Ha kane ka sngi u IG ki shipai BSF u la kyntu ia ki shipai BSF ba kin but ryntih katkum ka ritisynshar ka ri ban iada ia la ka jong ka ri kaba shah ka kam bad ha kane ka sngi u la kyntu ia ki shipai ba kin long kiba peitngor ha khappud bad khamtam ia ki kam pyrshah ia ka ri.
Ha kane ka sngi rakhe ia ka Republic Dau u IG BSF u la leit ban jngoh Composite Hospital jong ki BSF ha kaba u la ai ia ki jingbam ha ki ba shitom, kane ka long shibynta kum ka dak ka jinglehsbun bad ia kane ka juh la leh ha khappud shilynter ka jylla Meghalaya.
