Shillong, Naiwieng 12: Ka jngleh kmen Diwali jong ki Riew ngeit Hindu mynta ka sngi kala long kaba shongkun ha kaba ki la pynphuh pynphing ia ki iing ki sem jong ki da kaba thang ia ki sharak ha phyllaw iing jong ki kum ka dak jong ka jingkmen.
Ha Police Bazar bad bun kiwei ki jaka la ioh ba kala don ka jingpynkhreh kaba kham kyrpang haba ja khmat iing bad dukan la pynieng ia ki dieng kaid bad la thang ia ki sharak bad ryngkat ka jingiakhublei kaba mar kylliang.
Ha kane ka miet la iohi ba bun ki iing ki sem kila pynpur ia ki light baper bapher ha ki iing ki sem jong ki ban rakhe ia kane ka jingleh kmen diwali bad kala don ka jingialeit ai jingbam thiang kum sha ki paralok parajor.
Ki khynnah kila ialeh kmen da kaba thang ia ki pataka kiba bun rukom ban rakhe iakane ka sngi leh kmen diwali hala ki jong ki jingjong ki phyllaw iing bad kumjuh kum ki para marjan ban ia kmen lang ha kane ka sngi leh kmen hapeng ki riew ngeit Hindu kaba la rakhe man la u snem.
