Shillong, Nailur 17: Mynta ka sngi ki riew ngeit Hindu kila pyndep ia ka jinglehniam ka jong ki kaba la tip kum ka Puja Nar kata ka “Viswakarma Puja, ia kane ka jingleh niam la leh da kito kiba trei nar ne kiba don ia ki karkhna ne kano kano ka jingtrei kaba ia dei bad ki kam nar.
Ha kane ka nongbah Shillong mynta ka sngi la iohi ba ki riew ngeit Hindu kila pyndep ia ka jinglehniam leh rukom ha ki jaka trei ki jong ki bad kila pydem ia kane ka jinglehniam da ka jingriew blei.
Kane ka jingleh niam la pynlong ruh ha kito ki ophis jong ka sorkar jylla bad jong ki sorkar pdeng ha kaba ka jingtrei ka jong ki ka don bynta bad kikam trei nar, kum ha Government Press, ha ki jaka ba don ki jingtei.
Ia kane ka jinglehniam ha kane ka nongbah Shillong la iohi ba ki briew kiba don jingiadei ba kane ka kam trei nar kila ia shim bynta da ka jingriew blei bad da ka jingkmen.
