Shillong, Rymphang 17: U Myntri rangbah ka jylla u Conrad K Sangma u la pan pisa shuh na ka iinng dorbar sa T.2.97 klur namar ka pisa kaba la mang ha ka mang tyngka jong u snem 2023-2024 kam dap, kane ka jingpan pisa shuh ka long ban siew sha ka M/s Garuda UAV Soft Solution Private Limited.
Ka sorkar jylla kala pyndon kam ia katei ka kompeni kaba na Utter Pradesh ban jurip ia ki jaka tih dewiong da kaba pyndon kam ia ki kor ki bor jong kane ka juk kaba mynta ban peit na suin hangno don ka jingthih dewiong bad ban shon dur ha ki jaka ba don ka jingtih dewiong.
Kane ka jingpan ia kane ka pisa ka long ba ka sorkar kan siew sha katei ka kompeni kaba ka sorkar kala pyndon kam na ka bynta ban tip ia ka jingtih dewiong ha ki District kiba don dewiong da kaba pyndon kam ia ki kor ki bor ba shu pynher na suin bad ban ring dur bad shondur.
