Shillong, Nailur 21: U Inspector General ki pulit jong ka jylla Meghalaya u la ia don lang ha ka jingialang kaba shisngi 
ha Tura ban ia kren halor ka shong suk shongsain ha ki lum Garo ha kaba la ia shim bynta da ki Superintedent ki Pulit haduh ki Office Incahrge na ki san tylli ki District na Lum Garo.
Ha ka twitter u heh duh ki pulit u Dr. L R Bishnoi ha kane ka jingialang u la ong ba jingsngew khia kaba jur bha namar ka duna palat ka jingshah rai pynrem ki nongleh runar kane ka dei ka bynta kaba sngewkhia bha.
Ha kane ka jingialang la bthah ruh ia ki pulit ba kin pynkloi noh ban pynkhuid ia baroh ki mukotduma kiba dang sah, ha ka juh ka por ym dei ban don kano kano ka jingsngew pyrshah ia ki nongleh kam runar.
