Shillong, Nailar 07: Leit hiar kyrkieh u bah Sanbor Shullai MLA ka bjp ha ryngkat u State Vice President Ka bjp u shri Gagan Jain bad u state executive member jongka bjp u shri Tobias Marak sha ki artylli ki khappud ka Bangladesh bad ka India kata ha Tamabil jaintia hills bad Bardua east Khasi hill.
Ha kane ka jing leit jurip ba lah ialam khmat da u bah Sanbor Shullai ki lah ioh ruh ban ia kren bad u DIG ba dei peit iaka ne ka sector u shri Rana bad u commandant u shri Siam bad lah lap ba ka don hapdeng jongka jingshongshnain ha ryngkat ka jing trei shitom ki BSF ha ban peit Pyrman ha man la ka 100meters jongka khappud .
Bah Sanbor la ong ba dei ban pyn khlaiñ shuh iaka jingpahara lah wan hiar sa ki shipai ka 21 Bihar regiment ha Nongtalang hajan ka khappud.Mynnin ka sngi ka lah don ka jingjia ba pynher krad iaki border guards jongka Bangladesh hynrei mynta ka sngi lah lap ba ki border guards ki lah wan biang ban pahara iaka border.
Ka kynhun ba lah ialam da u bah Sanbor Shullai ka lah pyrshang ruh ban iakren bad ki nong shong shnong ka border bad ki don ka jingshaniah ba skhem ha ki bor jongka ain bad haki Shipai khappud ka Ri ki BSF.
Ki nong shong shnong ki ai ka jingiaroh ia u bah Sanbor Shullai ba dei tang ma u shisha u nong mih khmat na ka jylla u ba wan jngoh bad ai mynsiem iaki.ha kane ka jing jurip na ka Liang u bah Sanbor Shullai h la ai mynsiem ia ki nong shongshnong ba kim dei ban sheptieng namar ka sorkar ka la pynkhreh bun kilad jing iarap bn ai ka jing iada ia ki briew katei ka thain.
