Shillong, Jymmang 12: U Symbut Myntri Rangbah ka jylla u bah Prestone Tynsong mynta ka sngi u la pynirtip ba ki 42000 tylli ki dawai Tika kiba ka sorkar jylla kala thied kin poi la shai ka sngi sha Meghalaya bad ia ka jingai Tikan ia kiba hapdeng ka rta 18 haduh 44 snem kin sdang ha ka sngi Thohdieng.
Haba ia dei bad kane la aiti sha ka tnad ka koit ka khiah ban pynbit pynbiang bad ka jingai kan long khamtam eh ha kito ki District kiba la shah ktah eh ha kane ka jingpang COVID-19, kum ka East Khasi Hills, Ri Bhoi bad West Garo Hills District.
Ha ka jingialang kaba la long mynta ka sngi ka sorkar kan pynbiang 100 tylli ki jingthiah ha IIM Shillong ha kaba kin don ruh ia ki Oxygen bad ha Umsawli kin long 100 jingthiah bad kiban don ia ki Oxygen kin long 40 jingthiah, ia kine ki jaka ynntip kum ki Carona care centre.
La iathuh ba ki dawai ai Tika na ka bynta kito kiba la 45 snem shaneng ki dang don bad la kyntu ia ki paidbah ba kin leit sha ki jaka ai Tika ban iada ia lade na kane ka jingpang COVID-19. U bah Pretone u la kyntu ia ki paidbah ba sumar da lade ia lade nakane kane kala dei ka jingsaphriang paidbah kane ka jingpang.
