New Delhi, Sept 04: La iasoi ia ka Memorandum of Settlement ha ka jingiadon lang u Myntri Sorkar Pdeng ba dei khmih ia ki tnad Kam Poh Iing bad Cooperation, Amit Shah, hapdeng ka Sorkar India, ka Sorkar Tripura bad ka National Liberation Front of Tripura (NLFT) bad All Tripura Tiger Force (ATTF), ha New Delhi mynta ka sngi.
Kane ka jingiakut ka long kum u mawmer ha ka jingthmu u Myntri Rangbah Duh, Narendra Modi ban don ka thain shateilammihngi kaba shongsukshongsain, kaba riewshpah bad kaba laitna ki kam pyntriem.
U Myntri Rangbah ka Tripura, Prof. (Dr.) ManikSaha bad ki ophisar ka Tnad Kam Poh Iing jong ka Sorkar India bad ki ophisar na ka Sorkar Tripura ki la iadon lang ha kane ka jingiasoi ia kane ka Memorandum of Settlement.
Ha kane ka sngi, u Shah u la ong ba kane ka dei ka sngi kaba kongsan na ka bynta ka ri bad ka Tripura. Da kaba pyni ia ka jingshaniah ia ka Sorkar Modi, ka NLFT bad ATTF ki la pynskhem biang ka jingkut jingmut jong ki na ka bynta ka roi ka par jong ka Tripura da kaba pynkut ia ka jingiakhih kaba la 35 snem ha ka Jylla.
U Shah u la ong ba naduh ba u Narendra Modi u la shimti ia ka kam kum u Myntri Rangbah Duh jong ka ri, u la pyni ia ka jingthmu ban don ka thain shateilammihngi kaba la kiewshaphrang lyngba ka shongsukshongsain bad ka jingiakren.
U Shah u la ong ba uMyntri Rangbah Duh Modi u la pynjan ia ka thain shateilammihngi bad ka Delhi lyngba ki surok, ki lynti rel bad ki liengsuin bad u la weng ruh ia ki jingiapher jingmut.
U la ong ruh ba ka Sorkar India ka la kut jingmut ban kyntiew ia baroh kawei ka thain shateilammihngi ba kynthup ruh ia ka Tripura da kaba pyntreilang ia ka ‘Ashtalakshmi’ bad ‘Purvodaya’, da kaba bynrap ba kane ka jingiakut mynta ka sngi kan long kum u mawmer ha kane.
U Myntri ka tnad Kam Pohiing u la ong ruh ba kane ka Memorandum of Settlement mynta ka sngi ka dei ka jingiakut kaba 12 na ka bynta ka thain shateilammihngi bad ka jingiakut kaba 3 kaba iadei bad ka Tripura.
U la ong ba lyngba kine ki jingiakut, 10 hajar ngut ki lehnoh ki la wanphai sha ka imlang sahlang da kaba pyndemia ki atiar jong ki. U la ong ba kine ki 12 tylli ki jingiakut ki la iarap bha ha ka jingkiar na ka jingiap ki briew ba luilui da ki hajar ngut.
U Amit Shah u la ong ba hapoh ka jingiakut ba la iasoi mynta ka sngi bad ka NLFT bad ka ATTF, palat 328 ngut ki dkhot kiengariar ki la kyntait ia ka jingiaumsnam bad iasoh bad ka imlang sahlang bad nohsynniang ym tang ha ka jingtei ia ka Tripura kaba la kiewshaphranghynrei ruh ban tei ia ka India kaba la kiewshaphrang.
U la ong ba kito kiba la iehnoh ia ka jingiaumsnam kin lah ban nohsynniang sha ka jingthaw ia ka Tripura kaba la kiewshaphrang kum ki nongshong shnong kiba don burom jong ka ri.
U Shah u la ong ba ka Sorkar India ka shimkhia ia ki sienjam da kaba pyrkhat ia baroh ki jingsngew ha ka jingpyntreikam ia baroh ki jingiakut ban pynthikna ia ka roi ka par jong ka thain bad weng ia ki daw ba pynlong ia ki briew ban jied ia ka jingkiengatiar.
U la ong ba ka sorkarpdeng ka mynjur ia ka song tyngka ba kyrpang kaba T. 250 klur na ka bynta ka roi ka par jong ki paid riewlum ka jylla Tripura.
U Myntri Kam Pohiing u la ong ba ka sorkarModi ka la pyntreikam ia baroh ki jingiakut. U la ong ba dei ka jingjop jong ka sorkarModi ba la pyntreikam pura ia man ka jingiakut.
U la bynrap ba hadien ka jingsoi ia ka jingiakutBru-Reang, mynta da ki hajar ngut ki jaitbynriew Bru-Reangki sah ha la ki jong ki iing. Ki khun jong ki ki pule ha ki skul kiba bha, la shimkhia ia ki lad ioh kam jong ki bad ki ioh baroh ki skhim jong ka sorkarpdeng bad sorkar jylla ba iadei bad ka bha ka miat.
U Myntri Kam pohiing u la ong ba ka sorkar ruh ka bat pura ia kane ka jingiakut bad ka Tnad Kam Pohiing ka peit ba man ka sienjam ka pynurlong ia ki jingangnud jong ki briew. U la ong ba baroh ngi dei ban iatreilang ban tei ia ka Tripura kaba la pynkupbor.
U Amit Shah u la ong ba ka sorkarModi ka la weng ia ka Armed Forces Special Powers Act (AFSPA) na Tripura ha u snem 2015 bad ka la weng ruh ha kiwei ki bynta jong ka thain shateilammihngi.
U la ong ha ka jaka ban buh ia ki kynhun shipai, ka sorkarModi ka la kut jingmut ban kyntiew ia ka thain shateilammihngi baroh kawei da kaba pynnehpynsah bad kyntiew ia ka deiriti, ka ktien ka thylliej, ka nongrim jong ka thain shateilammihngi, khamtam ki kynhun riewlum.
Hapoh ka jingiakut mynta ka sngi, ka NLFT & ATTF ka la mynjur ban kyntaitia ka jingiaumsnam, ki la aiti lut ki atiar, ki kuli bad pynduh ia ki kynhun iakhun jong ki.
Nalor kane, ki dkhot kiengatiar jong ka NLFT & ATTF ki la mynjur ruh ban iashim bynta ha ka synsharpaidbahkatkum ka ain bad ka ruh ban bat ia ka jingtylli jong ka ri.
Ha kane ka sngi, u Myntri Rangbah jong ka Tripura, Dr.ManikSahau la pynpaw ka jingsngewnguh ia u Myntri Rangbah duh Narendra Modibad Myntri Kam Pohiing bad Cooperation jong ka sorkarpdeng, Amit Shah kiba la wanrah ia ka shongsukshongsain bad ka jingseisoh ha ka thain shateilammihngi baroh kawei.
