Shillong, Risaw 12: Ka hima Khynriem man la u snem ban pynkhreh ia ka shad nongkrem la sdang da ka jinglehniam la pynlong mynta ka sngi ia ka sop iingbah bad tap traw thymmai ia ka iing ka Syiemsad ha madan Smit bad naduh la shai ka sngi la lah ban sdang ia ka jingtem ia ki ksing ki dhah haduh ka sngi kut ka shad Nongkrem ka ban long ha ka 2nd Naiwieng 2023 ia mynta u snem.
U Kongngor jong ka hima Khyriem haba kren ha u SP News Agency u la ong ba ia u traw la phring da ka raid Nongbri ha kine ki sngi bala dep bad mynta ka sngi ka dei ka kamram jong u Nongsmit ban loit ia u traw bad ban sop da kiba thymmai bad naduh la shai ka sngi ka jinglehniam kala sdang ban tem ia ki ksing da ki duhalia.
La iathuh ba mynhsuwa ba dang pahuh u traw la juh tap ia ka iingsad baroh kawei, hynrei mynta na ka daw bala duna traw la tap noh tang shiliang, ia u Traw kaba nyngkong hap ban wan rah shuwa na ka raid Rangphlang Rasong la ki wan rah shikhun ne ar khum kin wan rah bad buh hapoh iing bah.
Ha dien ba la wan pynpoi ia u phlang na Rangphlang Rasong sa lah pat ban pynpoi ia u phlang na Bhoi na Thaiang, ia u phlang ba wanrah na Rangphlang Rasong ki sop khatduh eh u Syrtep kaba ki khot kata ha tyngkong ia kane yn leh ynda la dep kine ki phlang paidbah.
U kongngor u la iathuh ba ka jingleh niam kala dep sdang hynrei naduh la shai ki duhalia kila wan sah ban hikai biang pat ia kito ki jingtem, ia ki ksing dong suk ban tem ia ki ksing niam pat hap ban hikai ia ki kum klet da la jan miet pat da don ka duwai ka phirat ka suit ka shor kan nym bakla.
