Shillong, Nohprah 22: Mynta ka sngi ki kynhun jong ki riew paidbah hapoh ka jingialam jong u bah Banshai Marbaniang na Mawsynram u wei na ki riew trei mon sngewbha mynta ka sngi kila pynpaw ia ka jingsngew pyrshah ia ka jingai jingbit jong ka sorkar ban shah ia kito kiba ai jaid kpa ban ioh ia ka syrnot riewlum.
Haba kren ha ki lat pathai khubor mynta ka sngi ha Shillong Press Club u la ong ba kum ki briew kiba don ia kane ka jingsngewkhia kum ki nongshong shnong ka jylla ki pyrshah ia kane ka jingleh jong ka sorkar jylla.
La ong ba kum ka seng Syngkhong Rympei Thymmai (SRT) ki pyrshang ban pynkylla khongpong ia ia ka jaidbynriew khasi kaba shim jaid na ka kmie , kum ki nongshon shnong ba don ia ka jingpeitngor ia ka bha ka miat ka imlang sah lang kin nym pdiang ia kane ka rai jong ka sorkar lada kam weng kin shim da kawei pat ka lynti.
Kumba ka long ka pyrthei baroh kawei ka burom ia ka jaidbynriew khasi kaba shim jaid na ka kmie, kane ka jingleh ka sorkar kala phrong sha ki bor jong ka District Council bad ka rukom khein kur khien jaid ka jaidbynriew khasi.
Kum ki paidbah ki dawa na ki ar tylli ki District Council, ka KHADC bad ka JHADC ban peit ba ka Khasi Hills Autonomous District (Khasi Social Custom of Lineage) Act 1997 bad ka Khasi Hills Autonomous District (Khasi Social Custom of Clan Administration) Bill, 2018 ban pyntrei kam ia ki namar kum kitei ki jingpynbna ki shim ia ka bor jong ki District Council.
Ka sorkar jylla ka pynmih ia kane ka jingpynbna ka long ban pynmilai jaktung ia ka rukom shim jaid ki khasi-Pnar kane ka jingshim jaid na u kpa kan ialam sha ka shongsang ha pdeng ki khasi la ong u bah Rothell Khongsit na ka shnong Khongthong.
