Shillong, Nohprah 12: U Myntri Rangbah ka jylla Meghalaya u Dr. Conrad K Sangma mynta ka sngi la test COVID-19 positive. U myntri rangbah u la ud ba u don ka jingshitmet bad na ka liang jong ki doctor ka tnad ka koit ka khiah kila test ia u bad ka kaiphot kala paw ba long COVID-19 positive.
Ia kane ka jingtest COVID-19 positive u myntri rangbah ka jylla u la pyntip paidbah lyngba ka Twitter jong u mynta ka sngi bad u la kyntu ia baroh kito kiba la ia kynduh ia u ha kine ki san sngi kiba la leit noh ba kin sngewbha ban peit ia ka koit ka khiah ka jong ki la kyntu u myntri rangbah jylla.
U Dr Aman Director ka tnad ka koit ka khiah u la iathuh ba mynta ka sngi baroh kiba la test COVID-19 positive ki long 59 ngut, East Khasi Hills 50, West Jaintia Hills 5, Ri Bhoi 2, East Garo Hills 1, South West Garo Hills 1, baroh kiba dang shitom ki long 594 ngut.
Kiba la ioh ia ka jingkoit mynta ka sngi ki long 44 ngut, East Khasi Hills 26, East garo Hills 9, West Garo Hills 6, West Khasi Hills 2, East Jaintia Hills 1, kiba la koit baroh na kane ka jingpang ha ka jylla ki long 11927 ngut.
U Director u la iathuh ba mynta ka sngi khlad wei na kane ka jingpang COVID-19 ha East Khasi Hills District da kane jingkhlad jong u wei kiba khlad baroh ha kane ka jylla kala kiew sha ka 124 ngut. U ba khlad mynta ka sngi la tip kum u K K Paul 55 snem na Mawbah Shillong.
