New Delhi, Nailur 01: Ka Tnad Kam Pohiing, ka la wanrah ia ka Inter-Ministerial Central Team (IMCT), ba la khlieh da u Executive Director, National Institute of Disaster Management (NIDM) ban peit ia ki jingjulor namar ka jingjur u slap bad ka jingshlei um ha Gujarat. Shenka IMCT kanleit sha ki distrik jong ka Gujarat ba shah ktah.
Hapdeng ka 25-30 tarik u Nailar, ka Jylla Gujarat ka la shah ktah ha u ‘lapbah ‘lapsan namar ka depression kaba la jia ha Rajasthan bad Gujarat.Ki jylla Madhya Pradesh bad Rajasthan ruh ki la shah ktah ha u ‘lapbah ‘lapsan. Ha une u snem, ka Jylla Himachal Pradesh ruh ka la shah ktah ha u ‘lapbah ‘lapsan bad ki jingtwakhyndew.
Ka Tnad Kam Pohiing ka dang iakren bad ki ophisarna kine ki Jylla, bad kan phah ia ki IMCT sha kine ki jylla ruh, lada ki ai jingtip shaphang ki jingjulor kiba jur. Ha kane ka samoi slap, ki don sa kiwei kiwei ki jylla kiba la shah ktah ha u ‘lapbah ‘lapsan, ki jingshlei um, ki jingtwakhyndew bad kiwei kiwei.
Hapoh ka jingialam jong u Myntri Rangbah Duh, Narendra Modi, ka Sorkar Pdeng ka ieng skhem ban ai ka jingiarap kaba ki jylla kiba shah ktah ki donkam. Katkum ka rai kaba la shim da u Myntri Sorkar Pdeng ba dei khmih ia ka Tnad Kam Pohiing ha u Nailar 2019.
La sdang lypa ka Tnad Kam Pohiing ia ka jingtei ia ki IMCT ban peit ia ki jingjulor, khlem da ap ia ki Dorkhas na ki jylla ba shah ktah ha ki jingshlei um bad jingtwakhyndew kum ka Assam, Kerala, Mizoram, bad Tripura. La sdang ruh ia ka IMCT na ka bynta ka jylla Nagaland ka ban leit peit shen ia ki jingjulor ha kane ka jylla.
Ha ki por ba la dep, ki IMCT ki juleitjngohia ki jylla ba shah ktah ha ki jinglynshop ki bor ka mariang tanghadien ba la ioh ia ka dorkhas na ka Jylla ba shah ktah.
