Shillong, Iaiong 03:U lad ka jylla u C.H. Vijayashankar u la thaw ia ka ‘All Party Committee’ kaba kynthup ia ki party kiba la ithuh bad kumjuh ia ki party ba la dep ban register ban iakren halor ka phang ban pyniasoh da ka lynti rel sha Meghalaya.
Katkum ka jingpynbna sorkar ia kane ka APC yn khlieh da u myntri rangbah ka jylla,lane da u myntri sorkar kaba u myntri rangbah ka jylla un thung.Ha kane ka jingpynbna sorkar la bthah ba kawei kawei ka seng sain pyrthei kin phah arngut ban long ki dkhot sha kane ka committee.
Ka phang ban iakren ha kane ka APC ka long ban wad ia ki lad ki lynti kumno ban shna ia ka lynti rel sha Meghalaya,kane ka kommittee kan iathir sani kiei ki jingmyntoi kaba lah ban ioh lada wanrah ia ka lynti rel,kane ka committee kan pan ruh ia ka jingmut aiu kum ki paidbah ki don ban ong, hadien kata ka committee Ka hap ban phah ia ka jingai jingmut sha ka sorkar.
