Shillong, Nailar 03: Ki shipai BSF kila ioh ban bat ar tylli ki kali Maruit Alto 800 na jignkieng Sonapur ha kba la thep masi hapoh kali ban phah sha Bangladesh ha East Jaitnia Hills District.
Ki BSF kiba don ha Jingkieng Sonapur haba la poi kitei ki ar tylli ki kali kila pynsangeh hynrei kila phet na katei ka jaka, ki BSF kila beh thong, ha kane ka jingiabeh ki nongniah ia kitei ki kali kila ioh ban phet krad , ki pulit kila ioh ban kurup ia ki ar tylli ki masi kiba la thep ha kawei kawei ka kali, ia ki masi la aiti sha ki pulit kiba don ha Umkiang.
Ha kawei pat ka jingjia ki BSF kila ioh ban kurup ia ki jain saree kiba la thmu ban phah sha Bangladesh na East Khasi Hills District, kine jain saree kila kot sha ka T.22 lak tyngka, ki nongkhaii beain haba kila iohi ia ki BSF ki la bret ia ki jain sha khlaw bad phet ban lait na kti ki BSF ia ki jain kiba la ioh ban kurup la aiti sha ki Custom.
