Shillong, Naiwieng 21: Mynta ka sngi u President ka seng HYC u bah Roykupar Synrem bad u bah Rehembor G Saibon ha ka shithi kaba kila phah sha ka Deputy Commissioner ka East Khasi Hills District ban pan jingkhein ia ka jingwan phetwir ki briew na ka jylla Manipur.
Ha ka shithi na ka liang ka HYC kala ong ba mynta la 17 bnai kala don ka jingiaklumar hapoh katei ka jylla bad ki don ka jingsngewkhia bad ki sngew tynnade ban iohi ba ka sorkar jylla ka ai jaka sah sha kito kiba la sha ktah ha katei ka jingiakhih ja Manipur.
Ha ka juhka por na ka liang ka seng ka don ia ka jingsnewkhia ba ka bynta ka bha ka miat jong ki paidbah ka jylla bad ka seng ka kyntu ba ka ophis ka dei ban da buh ia ka jingkhien kaba bniah bad ynda ka shong suk shongsain kala biang ha katei ka jylla kito kiba la wan sha kane ka jylla ki dei ban leit phai biang.
Ka seng ka don ka jingsngewkhia ba ioh leh se kin don katto katne ki riew sniew ki ban pynlong ia ka sor Shillong kum ka pdeng ban leh ia ki kam runar, kum ki die met, khaii drok, ka jingdie ia ki jingdih pynbuaid lada don kam kano kano ka jingbuh jingthoh kaba biang ha ka jylla.
Ka long ruh ba seng ka don ka jingsngewkhia bad ka Shillong Cantonment Board kaba don hapoh ka nongbah Shillong, na ka liang ka seng HYC kala kynnoh ba ka dei ka jaka ki kam sniew ban pyniaid ia ki kam awria, khaii drok ha kane ka nongbah bad ka dei ka jaka ba ki phetwir kin wan sha kane ka jylla namar ia kiba rung ba mih hapoh ka SCB ym don ba peit.
Ka seng kala ioh ia kaei kaba la jia ha Lum Survey ha kaba 8- haduh 100 ki long iing ki sah beain ha katei ka jaka jong ka Cantonment, ka long ruh kaei kaei kaba sngewkhia ban iohi ba ki mih kita ki kommittee ha ki jaka ba dei jong ka Cantonment bad kiba ai ia ki syrnot ba bun rukom bad ki pynrung ialade ha ka electoral roll bad kiwei ki kam kane ka buh jingma ia ki trai shnong.
