Shillong, Naiwieng 29: Mynta ka sngi ki khyndai ngut ki MP na North East kila phah ia ka shithi sha u myntri rangbah jong ka Ri India u Narendra Modi ban dawa ba lada ka sorkar ka pynlong ain ia ka Citizenship Amendment Bill, 2016 ka dei ban pynlong ia ka North East na katei ka ain.
Ha ka shithi kaba kila thoh kila pynpaw ba ki briew jong ka dong shatei lam mih ngi jong ka Ri India ki pyrshah ia kane ka bill, kum juh ki seng bhalang bapher bapher ki pyrshah jur ban pynlong ain ia kane ka bill. Lada pdiang ia kane ka bill kan ktah shibun ia ki paidbah jong ka dong shatei lam mih ngi jong ka Ri India.
Ka jingktah jong kane ka Bill ka long khamtam eh ia ki riewlum kiba don ha kane ka thain, kaba kynthup ia ka jylla Meghalaya, Assam, Tripura, Arunachal Pradesh, Manipur, Nagaland, Sikkim bad Mizoram. La kdew ruh ba ha ka jingleit jong ka 16th Parliamentary Standing Committee sha North East ki paidbah kila pynpaw ia ka jingpyrshah kumba la pynpaw da ki dkhot ka iing dorbar.
Ki khyndait ngut ki MP kiba la soi lang ha kane ka shithi ki long u bah Vincent H Pala, Tokheho Yepthomi, Pradyut Bordoloi, Ronald Sapa Tlau , K.G Kenye, S.Dyurii, Guarav Gogoi, Abdul Khaelquebad u L H Hylnhl. Mukut Mithi
