Shillong, Lber 22: Mynta ka sngi ki ar tylli ki seng ka North-Eastern Hill University Students’ Union (NEHUSU) bad ka Khasi Students’ Union (KSU), NEHU Unit kila phah da ka shithi sha President bad Secretary ka seng North-Eastern Hill University Non-Teaching Staff Association (NEHUNSA) ha kaba kila bthah ban nym ai ka jingiatrielang bad u Prof. P. S. Shukla bad Col. Omkar Singh lada ka don kano kano ka jingbthah.
Ha ka shithi kaba kila thoh ki ar tylli ki seng kila ong ba ka long kaei kaei kaba sngewsih ban iohi ba kitei ki ar ngut kila pyrshang ban trei ia ka kam da kaba kim don ha jaka trei, kane ka jingpyrshang jong ki ban trei khlem da don ha ophis kala pynkhein ia ka kndon kaba 6 (i) jong ka NEHU Act, 1973.
U Prof. P. S. Shukla u la shim shuti lynter mynta ka la 127 sngi na duh ka 15/11/2024 bad u la kam ba u la shimti biang ia ka kam kum u VC ka skul bah NEHU lyngba ka online na Delhi ia kaba kam don kum katta ka rule la ong kitei ki ar seng, kane ka jingleh ka dei kaba khlem pynkup bor ia kaba kim lah ban pdiang.
U Col. Omkar Singh naduh ba u shim shuti khlem wan phai sha ka skul bah bad lada ka don kano kano ka jingbthah na ka ling jong u Col. Omkar Singh kan long kaba beain bad ki ar tylli ki seng ki ieng skhem ba kim lah ban pdiang ia ki ba kid ei ki bynta jong ka ksul bah NEHU.
Ia kane ka shithila soi da u Sandy Sohtun President bad u Toniho S Kharsati General Secretary North-Eastern Hill University North-Eastern Hill University Students‘ Union (NEHUSU) bad na ka liang jong ka KSU la soi kyrteng da u Shibaitlang Rymbai Kevin President bad u Nelson Wanrap General Secretary KSU NEHU Unit.
