Shillong, Jymmang 24: U Chief Secretary jong ka jylla Meghalaya u M S Rao u la thoh sha u Chairman jong ka Raiway Board halor ka jingjia ha Bihar ha kaba ki briew jong ka jylla Meghalaya bad kiwei ki jylla jong ka North East kila shah pyndik ha ka por baki wan phai da ka Rel.
Ka Rel ka dei kaba la shim kyrpang ia ki briew jong ka jylla Meghalata bad kiwei kiwei dei jong ki jylla North East kaba la mih na Gurugram ban wan sha Guwahati hynrei da la poi ha Danapur Station jong ka jylla Bihar ki briew kiba shah ha kane ka Rel kila shah pyndik.
Haba ia dei bad kane ka jingjia u Chief Secretary bad u Director General jong ki Pulit ka jylla kila shim khia ia kane ka kam bad kila ia kren bad ka sorkar Bihar bad kum juh bad ki bor kiba don ha Delhi, khamtam bad u Chairman jong ka Railway Board ha Delhi.
U Chief Secretary jong ka jylla Meghalaya u la u la ong ia u Chairman ka Railway Board ba u dei ban leh ei ei halor kane ban ia da ia ki briew jong ka jylla Meghalya bad kiwei kiwei ki briew jong ka NE kiba wan da kane ka Rel.
U DGP jong ka jylla Meghalaya u R Chandranathanu la phone sha u DGP jong ka jong ka jylla Bihar bad kum juh sha u DG jong ka Railway Protection Force ba ki dei ban tuklar mardor ha kaba ia dei bad kane ka jingjia, nalor u DGP ka jylla u Nodal Officer jong ka Meghalaya Police u Dalton Marak, DIG u la kren ia ki pulit jong ka jylla Bihar.
Na ka liang jong ki heh pulit jong ka jylla Meghalaya Bad Bihar kila pynkhlain shuh shuh ia ki lad jingiada ia ki Rel kiba hap ban iaid lyngba ka jylla Bihar ban peit ba kum kine ki jingjia kin nym jia shuh ha dien ha bud. Kane ka Rel kala iaid na Bihar da ka jingiada jong ki pulit RPF bad kala rung sha West Bengal bad Assam, la iathuh u Chief Secretary.
