Shillong, Risaw 31: U National President ka party NPP u Conrad K Sangma mynta ka sngi u la thung ia u bah Prestone Tynsong kum u State President ka party ha Meghalaya bad da kane ka jingshah jied kum u state la pynlait noh na ki kam kiba u bat ha party ha ki kyrdan ha ka national.
Ka jingshah thung u bah Prestone kum u State President ka party ka dei ha dien ba u Dr. W R Kharlukhi MP Rajya Sabha u la resign noh na kane ka kam ha dien ba u la bat palat phew snem bad na ka liang jong ka party kala pdiang ia kane ka jingieh noh kam bad thung ia u bah Prestone kum u President.
Lah ban pynkynmaw ba u bah President bat kum u Vice Prsident ha ka kyrdan jong ka party, ha ka national bad u dei u Synbut myntri rangbah ka jylla ha kane ka sorkar bala lam khmat da ka NPP ha ka jylla Meghalaya.
