Shillong, Nailar 28: Mynta ka sngi ka iing jong ka Meghalaya House ha Mumbai kala kynjoh sha ka khatsan snem, dei ha kum kane ka sngi ba la plie ia ka da u myntri rangbah ba rim ka jyllau Dr. Donkupar Roy bam kwai ha dwar u blei ha ka jingdon lang u Purno K Sangma .
Ban rakge ia kane ka sngi la pynlong ia ka jingthung dieng ha phyllaw jong ka Meghalaya House ha Mumbai, ha kane ka sngi la pynlong ruh ia ka jingialang ha ka jingiadon lang ki nongtrei katei ka iing sorkar.
Ha ka jingialang kaba lyngkot kaba la pynlong ban rakhe ia kane ka sngi dap 15 snem na ka liang jong u myntri rangbah ka jylla u la pynsngew ba kumno la don kam ia ka jylla Meghalaya ban don ia kane ka Meghalaya House ha katei ka jaka na ka bynta ka jingmyntoi ki paidbah ka jylla.
Namar ki paidbah jylla Meghalaya katba dang mih ki snem kila dang ia bun ha katei ka sor bah ym tang kiba leit pule, kiba trei bad kiba sah, kumta ka sorkar kala sngew dei ban don noh la jong ka iing sorkar na ka bynta ka jigndon kam ki paidbah ka jylla ha katei ka sor.
