Shillong, Nohprah 21: Ka jingrkhe ia ka Khristmas kala jan poi bad ka jingpynkhreh ban pynphuh pynphing ia ki lynti syngkieng ha kylleng kane ka nongbah Shillong naduh ki bor sorkar haduh ki shnong bad ki dong kila pyndep lut.
Ka jingpynphuh ia ka Khyndailat ka jong long man la u snem bad ka jingpyniapher na kawei ka snem sha kawei pat bad mynta u snem kala kham pher na kaba juh long man la u snem ka jingpynpur ia ka light kala kham itynnad.
Ki paidbah na kylleng kane ka nongbah Shillong kila ia tuid sha Khyndailat ban ialam ia ki khun ki kti ban peitkai, ha kajuh ka por ka dei ruh ka jaka kaba ki paidbah ki leit ban leit thied jain thied nep ha kane ka por sngewbha.
Ki nongwan jngohkai pyrthei na kylleng sha kane ka jylla Meghalaya kila sngephylla ban ioh ba ka jingleh kmen khristmas ha kane ka jylla khamtam ha kane ka nongbah Shillong ka long kaba ishongknun bad kaba shongshit.
