Shillong, Kyllalyngkot 29: Ka KSU EJHDU myn ha ka 29 tarik Kyllalyngkot 2024 hadein ba la ioh ujor na ki ba bun ki kmie ki kpa ki khynnah skul ba sah hostel ha JNV Rymbai halor ka jingbym biang ka um khamtam ha hostel kynthei
Ka seng ka la kynduh ia u Principal jong kane ka skul halor kane ka jingeh, haba kren bad u principal u la ai daw ba ka jingbym biang um ka dei ba lip light ha ki sngi ba la leit bad iaka um lah shu hap thied.
U Principal u la ong ba wat la katta ruh ka dang buh jingeh hi iaki khynnah ba sah hostel khamtam ha ka jingdon kam jong ki man ka sngi ha kaba ia de bad ka jingdonkam ia ka um ha katei ka skul.
Ka seng haba iakren ka kyntu ia ki nongpeit ka skul ba kane ka jingeh kam dei shuh ban dang mad ki khynnah skul ha ki sngi ban wan. Haba ka hostel lah buh ka mut ba ki jingdon kam jong ki khynnah kim dei ban duna khamtam ha ka um.
Ka seng ka la pynsgew ruh iakane ka mat ha u DC uba dei u shongknor jong ka Vidyala Management Committee (VMC) ban tuklar lem halor kane ka bynta kaba don hapoh jong ka East Jaintia Hills District.
