Shillong, Jymmang 22: Ha kane ka jingther jong u slap kala wan rah ia ka jingjulor ha kiba bun ki jaka, ka jingtwa ki kynroh, ka jingtwa khyndew bad ka jingshleim um ha ka Wahumkhrah.
Ha ka sngi palei kala don ka jingtwa khyndew ha Mawiong Umjapung bad kane ka khyndew kala leit ban tap ia kawei ka iing briew, ha kane ka jingjia san ngut ki briew kiba don ha kane ka sngi kila lait na ka jingmynsaw.
Ka kong Wanda Lyngdoh kaba dei ka trai jong kane ka iing kala iathuh ba na ka daw jong ka jingjur jong u slap kala iohi ba ka khyndew ka lah ban twa kumta kala pyrta ia ki nongshong wai ha kane ka iing ba kin mih noh wut wut na poh iing.
La iathuh ba mar ia mih ki nongshong wai kiba don san ngut hapoh kane ka iing sha bar ka khyndew bad leit lynshop ia kane ka iing bad ka iing kala pra ha kane ka jingshah ban ka khyndew, hynrei kaba don bok ba ki briew kila leit na ka jingmynsaw ha kane ka jingshah pynjulor ha ka mariang.
Kane ka jingshah rat ka iing ha kane ka jingtwa khydnew ha Mawiong Umjapung kala jai ha ka 21 tarik mynta u bnai ha ka por mynsngi. Kine kiba sah wai namar ba slap ki don ha poh iing hynrei kila mih mar ia ioh sngew ia ka jingpyrta bad kila lait na ka jingmynsaw.
