Shillong, Jymmang 28: Na ka daw jong ka jingslap jur ha kine ki ar sngi kala don ka jingtwa khyndew ha Mawlai Mawkynroh ha surok Mawlai Bye Pass, kane ka jingtwa kala jia ha ka por san duna baje ei ei mynta ka sngi por step ha kaba saw ngut kiba trei bylla kila mynsaw.
Ka khyndew kaba la twa na ka surok Mawlai Bye Pass kala leit ban hap sha poh ha kaba ki don ki iing briew kiba dang shna bad kiba la sah briew, ha kane ka hap ka khyndew kala leit ban ban ia kawei ka iing sah jong ki nongtrei bylla kiba don saw ngut ha katei ka iing, ha kaba baroh saw ngut kila mynsaw.
Haba u SP News Agency u la ioh ban ia kren bad kiwei kiba trei bylla shna iing ha katei ka jaka ba don kane ka jingtwa khyndew kila iathuh ba kane ka jingtwa kala jia ha ka por san baje tam ne duna bad kala hap kynsan bad wan tap ia ka iing trep ba ki sah ki nongtrei bylla ka iing kaba dang shna thymmai.
La iathuh ba namar ba ki ia trei mar kan kila ia mih ban sei ia ki na k jingshah tap khyndew, bad pynkit sha jaka sumar, katkum ka jingpeit jong ki na pdeng ki saw ngut bala kham mynsaw jur dei u wei bala shah ban ha ka khyndew, la ong wat la ki ia ithuh dur khma namar ki trei mar jan ia ka kyrteng ki tip.
La iathuh ba ka ka khyndew kaba la tap ia ka surok ban poi sha kitei ki iing la wan pynkhuid da ka JCB namar ka jingtap ka khyndew kala jubor, na ka liang jong ki pulit ruh kila poi sha katei ka jaka ban peit ia kane ka jingtwa khyndew.
