Shillong, Rymphang 16: Kawei ka trok kaba kit snieh masi ban leit sha Bangladesh kala tyllun sha riat ha jan ka shnong Sohkha ha jan Dawki bad ha kane ka jingjia ar ngut ki briew kila khlad bad la suba ba kine ki ar ngut kiba khlaw dei u nongniah bad u nongbut katei ka trok.
Na ka liang jong ki pulit haba kila ioh ia kane ka jingtip kila leit sha katei ka jaka ban sei ia ki ar tylli ki mynsiem briew kiba la khlad na katei ka jinghap ka trok. Ha dein ba la sei na ka liang jong ki pulit kila pyndep ia ka kam katkum ka ain.
Haba ia dei bad kane na ka liang jong ki pulit ki dang pynlong ia ka jingtohkit ban lap ia ka kyrteng jong kine kiba khlad bad ki dei na ei, kat haduh ba thoh ia kane ka khubor ki pulit kila dang iaid sha khmat ban tohkit.
